Metroda dəhşət: Yatmış kişini yandırdı - -VİDEO

ABŞ-də dəhşətli cinayət hadisəsi baş verib.

Publika.az "ABC News"a istinadla xəbər verir ki, Nyu-York şəhərində bir gənc metroda sərnişinə xəsarət yetirməkdə, yanğın törətməkdə ittiham olunur.

Nəşr yazıb ki, qalmaqallı hadisə 1 dekabr, bazar ertəsi günü, saat 03:00 radələrində baş verib. Gənc cinayəti şimal istiqamətinə gedən qatarlardan birində "34-cü küçə-Pensilvaniya vağzalı" adlanan ərazidə dayanacaqda planlaşdırıb.

Müstəntiqlərin sözlərinə görə, 18 yaşı olan gəncin adı Hayram Karrero olub. O, qatara minib və kağız parçasını yandıraraq onu qatarda yatmış 56 yaşlı sərnişinin yanına atıb. Hayram daha sonra qatardan düşərək qaçıb və avtobusla evinə qayıdıb.

Təhlükəsizlik kamerasına düşən görüntülərdə ayaqları və bədəni yanan zərərçəkən növbəti stansiyada qatardan düşür. Polislər isə alovu tez bir zamanda söndürə bilirlər və kişi xəstəxanaya çatdırılıb. Hazırda onun vəziyyəti ağırdır.

Karrero cümə axşamı həbs edilib və onu ən azı yeddi il həbs cəzası gözləyir. Onun hansı motivlər əsasında bu cinayəti törətməsi hələlik məlum deyil.

Tural