Tramp Meksikanı hədələdi
Bizi izləyin
Aptekonline

ABŞ

Tramp Meksikanı hədələdi

Tramp Meksikanı hədələdi

ABŞ Prezidenti Donald Tramp Meksikanın su təchizatı müqaviləsini pozması səbəbindən ona qarşı 5% həcmində rüsum tətbiq edəcəyini açıqlayıb.

Publika.az xəbər verir ki, o, bu barədə "Truth Social"da yazıb.

"Hazırda Meksika (ABŞ-ın sorğularına - red.) cavab vermir və bu, zəruri suya ehtiyacı olan amerikalı fermerlərə qarşı ədalətsizlikdir. Buna görə də əgər bu su dərhal təmin olunmazsa, Meksikaya 5 faizlik tarif tətbiq etməyə imkan verən sənədləri hazırlamışam", - deyə Tramp bildirib.

Xatırladaq ki, 1944-cü ildə bağlanmış müqaviləyə əsasən, Meksika hər beş ildən bir ABŞ-a Rio-Qrande çayının hövzəsindən təxminən 2,2 milyard kubmetr su ötürməyi, ABŞ isə əvəzində Kolorado çayından 1,8 milyard kubmetr suyu Meksikaya yönəltməyi öhdəsinə götürüb.

Ancaq Meksika özü də quraqlıqdan əziyyət çəkdiyi üçün müqavilənin şərtlərini onilliklər boyu pozub.

Oxumağa davam et
Reklam
Reklam

Gündəm

Aptekonline