ABŞ

Ata 42 il əvvəl itkin düşən qızına qovuşdu

18 Dekabr 2025 17:00

Ata itkin düşmüş qızını 42 ildən sonra tapıb. O, övladının qaçırıldığından xəbərsiz olub.

Publika.az xəbər verir ki, bu barədə məlumatı "Metro" nəşri paylaşıb.

Hər şey 1983-cü ildə ABŞ-da baş verib. Mişel Nyuton adlı uşaq anası tərəfindən qaçırılıb. O vaxt qızın dörd yaşı olub. Ana Debra Nyuton uşağı atasından oğurlayıb və adını dəyişdirib. Mişel isə bundan xəbərsiz olub və atası tərəfindən axtarıldığını bilməyib.

İstintaq 2016-cı ildə yenidən açılıb. 2024-cü ilin noyabr ayında polis Floridada Şeron Nili adı ilə yaşayan Debranı tapıb.

Qadın saxlanılıb. Daha sonra polislər Mişeli tapıb və ona keçmişi ilə bağlı həqiqəti danışıblar. Mişel sonralar deyib ki, bu xəbər onu şoka salıb. O, əsl atası ilə görüşmək istəyib.

Tezliklə Mişel uzun müddətdir onu gözləyən atası ilə görüşüb. Mişelin atası Cozef Nyuton bildirib ki, bu görüş onun həyatının ən xoşbəxt anı olub.

Adəm