• USD 1,7000 0,00% EUR 1,8427 0,00%
    • GBP 2,1034 0,00% RUB 0,0220 0,00%

Sevda və Emma Ələkbərzadələr qonaqlara unudulmaz gecə yaşatdı - FOTO

  • Art
  • 30 Oktyabr 2019 11:47
  • 764 Baxış
Sevda və Emma Ələkbərzadələr qonaqlara unudulmaz gecə yaşatdı - FOTO

Yazıçı Çingiz Ələkbərzadənin məşhur “Zindan” romanının təqdimatı olub.

Publika.az xəbər verir ki, dünən Bakı Kitab Mərkəzində mərhum yazıçı, jurnalist Çingiz Ələkbərzadənin yenidən nəşr olunmuş “Zindan” adlı kitabının təqdimatı keçirilib. Kitaba “Zindan” və “Dünyanın qopduğu yer” romanları daxildir.

Yazıçının qızları Əməkdar artist Sevda Ələkbərzadə və müğənni Emma Ələkbərzadənin təşəbbüsü ilə keçirilən təqdimat mərasimində Xalq yazıçısı Anar, Xalq şairi Ramiz Rövşən, aktrisa Gülzar Qurbanova, tanınmış ifaçı Akif İslamzadə, müğənni Nura Suri, aktrisa Oksana Rəsulova, əməkdar artist Mehriban Zəki və başqaları iştirak edib.

Atası ilə bağlı xatirələrini paylaşan Sevda Ələkbərzadə uşaqlıq illərini yada salıb.

"Çox sağ olun ki, bu gecə bizi tək qoymamısınız. İstəyirəm bu gün uşaqlıqda bizim evdə olan ab-havanı yenidən təkrarlayaq. Atam və babam musiqini çox sevirdi. Odur ki, evdə musiqili axşamlarımız çox olurdu. Hər zaman Emma piano arxasında oturur, biz isə onu müşayiət edirdik. Gəlin bu ənənəni bu gecə də yaşadaq və o dövrə qayıdaq. Atamın çox sevdiyi və ilk dəfə ondan eşitdiyim mahnını bu gün sizin üçün ifa edirəm" , - deyə əməkdar artist qeyd edib. Daha sonra o, "Ay Laçın" mahnısını səsləndirib.

Tədbirin ən yaddaqalan məqamlarından biri də yazıçının nəvəsi Səidə Ələkbərzadənin şeir oxuması olub.

Həmçinin ASAN radionun direktoru Emin Musavinin ifasında “Zindan” kitabının proloqundan parçalar, Azərbaycanın Xalq artisti Mehriban Zəkinin ifasında isə yazıçının “Anam şöhrət” və “Darıxıram” şeirləri səslənib.

Aparıcısı Xədicə Sənanqızı olduğu mərasim “Salam, Allahım” mahnısının sədaları altında Dövlət Pantomima Teatrının aktyoru, Azərbaycanın Əməkdar artisti Bəhruz Vaqifoğlunun səhnəciyi ilə yekunlaşıb.

Halal Nemət

Xəbər lenti

DAHA ÇOX XƏBƏR