Krımın əvəzinə Rusiyanın bu bölgəsi ələ keçiriləcək - ABŞ-da PLAN HAZIRLANDI

Rusiya ilə silahlı münaqişə baş verəcəyi halda, NATO Kalininqrad vilayətini ələ keçirmək planını nəzərdən keçirməlidir.

Publika.az xəbər verir ki, bu haqda Ceymstaun Fondunun ABŞ-dakı böyük elmi işçisi Riçard Hukerin məruzəsində deyilir.

Mümkün müharibənin yalnız regional xarakter daşıyacağı güman edilir, çünki münaqişənin kəskinləşməsi kütləvi qırğın və mülki insanların itkisinə səbəb olacaq.

Eyni zamanda, Huker Baltikyanı ölkələrdə Rusiya ilə NATO arasında qarşıdurmaya səbəb ola biləcək konkret bir səbəbi açıqlamayıb. Bununla belə, ekspert Moskvanın bu bölgə üçün planlarının olduğunu iddia edir.

Ekspert qeyd edib ki, Rusiya münaqişənin erkən mərhələsində Kalininqrad vilayətini güclü müdafiə edə bilər. Onun fikrincə, münaqişənin növbəti mərhələsində bölgədə ABŞ və Polşa quru hərbi dəstələrinin qurulması səbəbindən Rusiya düşmənin hücumuna tab gətirə bilməyəcək və əraziyə nəzarəti itirəcək. Huker nəticədə, Rusiyanın Kalininqradı itirəcəyini düşünür. O qeyd edir ki, bu, Krımın birləşdirilməsinə görə dəyən zərərin əvəzinin təbii ödənilməsi olacaq.