Avropa

"Növbəti aylar Ukrayna üçün həlledici olacaq, amma..." - Berlindən YENİ PROQNOZ

20 Fevral 2023 08:48

"Növbəti bir neçə ay Ukrayna üçün həlledici olacaq".

Publika.az xəbər verir ki, müvafiq fikri Almaniyanın müdafiə naziri Boris Pistorius səsləndirib.

"General Mark Millinin bir neçə ay əvvəl və payızda Ramşteyndəki görüşdən sonra söylədiyi sözlərdən öyrəndiyimiz kimi, hava hücumundan müdafiə bizim üçün prioritet məsələdir. Üç ay ərzində etibarlı, işləyən hava hücumundan müdafiə sisteminin yaradılmasına nail olmalıyıq" - "Bloomberg" ondan sitat gətirir.

Pistorius qeyd edib ki, bu dövr çox mühümdür, lakin Ukraynadakı münaqişənin nəticəsini müəyyən etməyəcək.

Daha əvvəl Pistorius bildirib ki, Kiyevə silah verilməsi Rusiyaya və şəxsən Rusiya prezidenti Vladimir Putinə qarşı yönəlmiş “güc nümayiş etdirmək” məqsədi ilə həyata keçirilir.

O, vurğulayıb ki, bu məqsədə çatmaq üçün ukraynalıları özünümüdafiəyə həvəsləndirmək və daim silahla təmin etmək lazımdır.

Hüseyn İbadlı