Müdafiə nazirlərinin Stokholmda kritik görüşü - Reznikov da oradadır

Bu gün Aİ-nin 27 ölkəsinin müdafiə nazirləri NATO-nun baş katibi Yens Stoltenberq və ukraynalı tərəfdaşların iştirakı ilə Stokholmda açılacaq iki günlük qeyri-rəsmi iclas keçiriləcək.

Publika.az xəbər verir ki, iclasda mərmi ehtiyatlarının böyük hissəsinin Ukraynaya göndərilməsi imkanını müzakirə edəcəklər.

Müdafiə nazirliklərinin rəhbərləri, həmçinin Kiyev üçün artilleriya sursatlarının alınmasının maliyyələşdirilməsini də razılaşdırmalıdırlar. İclas iştirakçıları cari məsələlər, o cümlədən Aİ-nin hərbi əməliyyatları haqqında da danışıqlar aparacaqlar.

Görüş axşam saatlarında bağlı qapılar arxasında başlayacaq və əsas iş sessiyası çərşənbə günü baş tutacaq. Ukrayna tərəfini müdafiə naziri Aleksey Reznikov təmsil edəcək.

Belçikanın “Le Soir” qəzetinin martın 3-də yazdığına görə, müdafiə nazirləri AB Xarici İşlər Xidmətinin bütün 155 mm-lik artilleriya mərmilərinin anbarlardan təcili şəkildə Ukraynaya göndərilməsi və çoxmilyardlıq ordunun təcili formalaşdırılması üçün hazırladığı planı nəzərdən keçirməli olacaqlar. Nəşrin məlumatına görə, bundan sonra plan müdafiə və xarici işlər nazirlərinin Brüsseldə planlaşdırılan birgə iclasında təsdiq edilməli və martın 23-24-də Aİ sammitində işə salınmalıdır.

Ayşən