Avropa

Fransadan ciddi xəbərdarlıq: Qaydalar pozularsa...

29 May 2023 15:45

Avropa İttifaqı qaydalarını pozduğu təqdirdə Tvitter sosial şəbəkəsi qadağan olunacaq.

Publika.az xəbər verir ki. bu barədə Fransanın rəqəmsallaşma və telekommunikasiya naziri Jan-Noel Barro bildirib

"Tvitter bizim qaydalarımıza əməl etməsə, təkrar pozuntu halında, Avropa İttifaqında qadağan olunacaq”, - o, deyib.

Nazirin nümayəndəsi xatırladıb ki, avqustun 25-dən etibarən yeni qaydalar qüvvəyə minəcək, bu qaydalara əsasən, sosial şəbəkələrdən dərc olunmuş məzmunu nəzarətdə saxlamaq və dezinformasiya ilə mübarizə aparmaq tələb olunacaq. Qanun pozuntusuna yol verildiyi təqdirdə şirkətləri böyük cərimələr gözləyir, əgər onlar yenidən tələblərə əməl etməsələr, onların fəaliyyəti Aİ-də qadağan olunacaq.

Aİ diplomatiyasının rəhbəri Cozef Borel, Tvitter-in yeni sahibi İlon Maskın bu populyar sosial şəbəkədəki məzmuna nəzarəti zəiflətmək planlarından narahatlığını ifadə edib, çünki onun fikrincə, bu, Aİ-nin nə ilə mübarizə aparacağını çətinləşdirə bilər. O, bunu “dezinformasiya və informasiya manipulyasiyası” hesab edir.

Qeyd edək ki, 2018-ci ilin oktyabrında Avropa Komissiyasının təklifi ilə internet platformaları, o cümlədən Google, Microsoft və Twitter kimi dünya liderləri dezinformasiya ilə mübarizə üzrə təcrübə kodeksi imzalayıblar.

Ayşən