Avropa

Avropaya ÇAĞIRIŞ EDİLDİ: "O, gələcəyi üçün dərin çuxur qazır"

15 Avqust 2025 04:44

Pentaqonun katibinin müavininin keçmiş köməkçisi Stiven Brayan Avropanı Ukraynaya dəstəyi dayandırmağa çağırıb.

Publika.az xəbər verir ki, o, bu barədə "Substack" platformasındakı məqaləsində bildirib.

Onun fikrincə, Ukrayna Prezidenti Volodimir Zelenski kursunu dəyişməyəcək və Rusiya ilə ABŞ arasında Kiyevin müttəfiqlərinə mənfi təsir göstərə biləcək danışıqlara xələl gətirməyə çalışacaq.

"Avropa Zelenskinin dövründə Ukraynaya verdiyi dəstəyi yenidən nəzərdən keçirməlidir. O, gələcəyi üçün dərin çuxur qazır", - keçmiş Pentaqon rəsmisi deyib.

O əlavə edib ki, Avropa liderləri Kiyevdəki kimi radikal mövqelərinə görə Rusiya və ABŞ-ın dialoq qurmasını izləməli olacaqlar.

Keçmiş köməkçi əlavə edib ki, sülh nizamlanmasını pozmaq üçün istənilən cəhd Vaşinqton tərəfindən milli təhlükəsizliyə təhdid kimi qiymətləndirilə bilər.

Hüseyn İbadlı