Avropa

Türkiyə bu iki ölkə ilə birlikdə hərəkətə keçir: Qara dənizdə Rusiyaya...

15 Avqust 2025 10:24

Rumıniya, Bolqarıstan və Türkiyə Qara dənizdəki minaları təmizləmək üçün birgə işçi qrupunu genişləndirməlidir.

Publika.az xəbər verir ki, Rumıniyanın müdafiə naziri İonut Mosteanu bildirib.

Onun sözlərinə görə, enerji obyektlərini və ticarət yollarını Rusiya Federasiyasının potensial hücumundan qorumaq üçün missiyaya patrul qüvvələrinin əlavə edilməsi planlaşdırılır.

"Qarşıdakı illərdə bu layihəni patrul layihəsinə qədər genişləndirmək lazımdır. Biz bunu yaxın gələcəkdə müttəfiqlərimizlə müzakirə edəcəyik", - Mosteanu qeyd edib.

O, həmçinin əlavə edib ki, Qara dəniz yaxın müddətdə Rusiya üçün döyüş meydanı olaraq qalacaq. Ona görə də ölkələr öz maraqlarını qoruyaraq müqavimət göstərməlidirlər.

"Biz Rusiya ilə qarşı-qarşıya gəlməli və öz maraqlarımızı, yəni enerji infrastrukturu, dəniz ticarəti və naviqasiya azadlığını qorumalıyıq. Məqsədlərimiz bunlardır və onlar qorunacaq", - nazir deyib.

Akqabay