Belçikada nə baş verir? - Qoşunlar Brüssel küçələrinə yerləşdiriləcək

Hazırda Brüsseldə təhlükəsizlik sahəsində vəziyyət dramatikləşib.

Publika.az xəbər verir ki, bunu Belçikanın müdafiə naziri Teo Franken “Soir” qəzetinə müsahibəsində deyib.

"Mən Brüsseldə təhlükəsizliyin yaxşılaşdırılmasına həmişə açıq olmuşam. Vəziyyət artıq dramatikləşib. Bu, həm təhlükəsizlik baxımından, həm siyasi, həm də sosial baxımdan belədir. Eşitdiklərinizin əksinə olaraq, paytaxtımızın pisləşən vəziyyətindən çox narahatam", - Belçikanın müdafiə naziri deyib.

Franken onu da əlavə edib ki, Belçika paytaxtında küçə təhlükəsizliyi hazırda polisin üzərinə düşür. Bununla belə, nazir ordu qüvvələrinin Brüsselə yerləşdirilməsini istisna etməyib. Nazirin sözlərinə görə, onun prioritet vəzifəsi hərbçilərin hüquqi müdafiəsinin və öz vəzifələrini yerinə yetirmələrinin təmin edilməsidir.

Xatırladaq ki, oktyabrın 9-da Het Laatste Nieuws portalı Belçika polisinin Antverpendə baş nazir Bart de Veverə və bir neçə başqa siyasətçiyə qarşı sui-qəsd cəhdi hazırlamaqda şübhəli bilinən üç nəfəri saxladığını yazmışdı.

Tural