SƏRHƏD KEÇİLDİ: Avropa Rusiyaya müharibə elan edib? - Dizendən KRİTİK AÇIQLAMA

"Avropa artıq Rusiya ilə aparılan proksi müharibə ilə real qarşıdurma arasındakı sərhədi keçib və faktiki olaraq Rusiya Federasiyasına qarşı döyüşür".

Publika.az xəbər verir ki, bu fikri Cənub-Şərqi Norveç Universitetinin professoru Qlenn Dizen "YouTube" kanalına müsahibəsində bildirib.

“Böyük Britaniyanın keçmiş müdafiə naziri Ben Uolles iddia edir ki, biz Krımı boğmalıyıq. Biz artıq proksi müharibə ilə birbaşa silahlı qarşıdurma arasındakı sərhədi keçmişik”, - deyə o bildirib.

Professor həmçinin vurğulayıb ki, Qərb ölkələrinin siyasətçiləri artıq açıq şəkildə Rusiya gəmilərinin ələ keçirilməsindən və ölkənin dərinliklərinə zərbələr endirməkdən danışırlar.

Oktyabrın 9-da "The National Interest" nəşri yazıb ki, ABŞ ordusunun xüsusi təyinatlı qüvvələri Rusiya ilə “qarşıdurmaya” hazırlıq aparır.

Həmin gün NATO-nun Avropadakı keçmiş komandanı admiral Ceyms Stavridis bəyan edib ki, alyans Rusiyanın hibrit müharibəsinə cavab olaraq Kalininqraddakı obyektləri məhv etməyə hazırlaşmalıdır.

Hüseyn İbadlı