QANDONDURAN CİNAYƏT - Qızlarını 27 il əsirlikdə saxladılar

Polşanın Şventoxlovitse şəhərində valideynlər 42 yaşlı bir qadını 15 yaşından etibarən əsarətdə saxlayıblar.

Publika.az xəbər verir ki, bu barədə RMF məlumat yayıb.

Qadın təsadüfən aşkar edilib: qonşular onun valideynlərinin evindən gələn qışqırıqları eşidərək polis çağırıblar. Hadisə yerinə gələn hüquq-mühafizə orqanları qadını kritik vəziyyətdə tapıbla. Bu illər ərzində o, heç bir tibbi yardım almayıb, tualetə çıxışı olmayıb və nəinki küçəyə, heç eyvana belə çıxmayıb. Mirella adlı zərərçəkmiş qadınla qarşılaşan polis əməkdaşları onun yeriyə bilmədiyini bildiriblər. Könüllülər onun reabilitasiyası üçün vəsait toplayıblar. Həkimlər iki ay ərzində onun həyatını xilas etməyə çalışıblar.

Qadın yaşlı bir cütlüyün övladlığa götürdüyü qızı olub. Onlar qız 15 yaşında olarkən onu evdə kilidli vəziyyətdə saxlamağa qərar veriblər və qonşulara onun itkin düşdüyünü, bəlkə də bioloji valideynlərinin yanına qayıtdığını deyiblər.

Faktla bağlı araşdırma başladılıb.

Hüseyn İbadlı