Mertsə qadağa qoyulub: Təyyarəni tək idarə edə bilməz
Bizi izləyin

Avropa

Mertsə qadağa qoyulub: Təyyarəni tək idarə edə bilməz

Mertsə qadağa qoyulub: Təyyarəni tək idarə edə bilməz

Almaniya kansleri Fridrix Mertsə təyyarələri təkbaşına idarə etmək qadağan edilib.

Publika.az xəbər verir ki, 2009-cu ildən bəri pilot lisenziyasına sahib olan Merts artıq təyyarələri özü idarə etmir.

“Bild”in aşkar etdiyi kimi, 14 noyabrda Şlezviq-Holşteyndə keçirilən CDU partiyasının qurultayına uçuş zamanı kansler pilot kabinəsində olub, lakin təyyarəni çarter aviaşirkətinin əməkdaşı idarə edib.

Merts, həmçinin iki mühərrikli “Diamond DA62” təyyarəsini də satıb. Pilot lisenziyasını qorumaq üçün müntəzəm uçuşlar tələb olunur. Görünür, kanslerin işi onun hobbisini davam etdirməsinə mane olur. Səlahiyyət müddəti bitdikdən sonra o, yenidən imtahan verərək pilot lisenziyasını bərpa edə biləcək.

Kanslerə təhlükəsizlik səbəbi ilə müstəqil şəkildə avtomobil idarə etmək də qadağandır. Özünü "ehtiraslı sürücü" adlandıran sələfi Olaf Şolts 2024-cü ildə oxşar məhdudiyyətlərdən şikayət etmişdi.

Müəllif: Tural

Oxumağa davam et
Reklam
Reklam

Gündəm