Kriminal

Gəncdən QİSAS PLANI: 1 ill əvvəl onu danlayan şəxsi kürəyindən GÜLLƏLƏDİ

10 Oktyabr 2024 22:48

Dağıstanda gənc oğlan bir il əvvəl onu danlayan şəxsə atəş açıb.

Publika.az xəbər verir ki, bu barədə "Mash Gor" məlumat yayıb.

Bildirilib ki, hadisə oktyabrın 10-da Mahaçqalanın Daxadayev küçəsindəki məscidin yaxınlığında baş verib. Namaz zamanı 22 yaşlı gənc ibadətçilər arasında onu məzəmmət edən şəxsi tanıyıb. Məlum olub ki, bir il əvvəl həmin şəxs Moskva çayxanasında dincələn gənci səs-küyə görə danlayıb.

Bütün bu müddət ərzində incimiş dağıstanlı qisas planı qurub və bu gün küçə döyüşü başlayıb. Davaya çoxsaylı şahidlər müdaxilə etmək istəyiblər, lakin gənc ətrafdakılara fikir verməyərək avtomobildən travmatik tapançanı götürərək rəqibinin kürəyinə 4 dəfə atəş açıb.

Yaralı ağır vəziyyətdə xəstəxanaya, atəş açan şəxs isə polis şöbəsinə aparılıb. Dindirmə zamanı o, parkda qaçarkən seriya nömrəsi silinmiş silah tapdığını bildirib. Artıq tapança götürülərək ekspertizaya göndərilib.

Hüseyn İbadlı