Makronun andiçmə mərasiminin vaxtı MƏLUM OLDU
Bizi izləyin

Dünya

Makronun andiçmə mərasiminin vaxtı MƏLUM OLDU

Makronun andiçmə mərasiminin vaxtı MƏLUM OLDU

Aprelin 24-də ikinci müddətə Fransa prezidenti seçilən Emmanuel Makronun andiçmə mərasimi mayın 7-də baş tutacaq.

Publika.az xəbər verir ki, bu barədə RTL radiostansiyası Yelisey sarayındakı mənbələrə istinadla məlumat yayıb.

Bildirilib ki, mərasim səhər saatlarında Yelisey sarayında təşkil olunacaq, onu Fransa Konstitusiya Şurasının rəhbəri Loran Fabius keçirəcək. Bu andan etibarən respublika prezidentinin ikinci səlahiyyət müddəti rəsmən başlayacaq.

Bundan əvvəl Fransa Konstitusiya Şurası aprelin 24-də keçirilən prezident seçkilərinin ikinci turundan sonra Emmanuel Makronun respublika prezidenti seçilməsini artıq təsdiqləmişdi. Yekun məlumatlara görə, ikinci turda Makron 18,7 milyon (58,55%), rəqibi Marin Le Pen (Milli Ralli) 13,2 milyon (41,45%) səs toplayıb.

Fransada prezident seçkiləri iki turda - aprelin 10-da və 24-də keçirilib. Ümumilikdə dövlət başçısı postu uğrunda 12 namizəd mübarizə aparıb, Makron və Le Pen finala yüksəlib.

Teqlər
Oxumağa davam et
Reklam
Reklam

Gündəm

Zəfaran Hospital
Səba