Dünya
Peruda silhalı toqquşma: ölən və yaralananlar var
Peru polisi ölkənin cənubunda Apurimak regionunda Andauaylas aeroportunda etiraz aksiyası iştirakçılarından birinin həlak olması ilə bağlı məlumat yayıb. Bundan başqa, hüquq-mühafizə orqanının bir əməkdaşı yaralanıb.
Publika.az TASS informasiya agentliyinə istinadla xəbər verir ki, Peru Ombudsman Aparatının məlumatına görə, toqquşma zamanı nümayişin yeniyetmə iştirakçısı həlak olub. Bundan sonra nümayişçilər yerli polis məntəqəsinin binasını yandırıblar. KİV-in yazdığına görə, toqquşma nəticəsində 10 nəfər xəsarət alıb.
Daha əvvəl “CORPAC” şirkətinin yaydığı məlumatda nümayişçilərin növbədənkənar seçki keçirilməsini tələb etdikləri, Andauaylas aeroportunu tutduqları və orada onlarca insanı saxladıqları bildirilirdi. Həmçinin qeyd edilmişdi ki, etirazçılar yanacaq anbarını yandırıblar, 50 polis və “CORPAC” əməkdaşının olduğu terminalı mühasirəyə alıblar.
Perunun bir neçə regionunda etiraz aksiyaları keçirilir. Etirazçılar parlamentin fəaliyyətini dayandırmağı və ümumi seçkilərin vaxtından əvvəl keçirilməsini tələb edirlər. Dekabrın 10-da yeni Prezident Dina Boluarte mövcud vəziyyətdən sülh yolu ilə çıxmaq üçün vətəndaşları hakimiyyətlə dialoqa çağırıb.
Xatırladaq ki, Peru parlamenti dekabrın 7-də Xose Pedro Kastilyo Terronesi hakimiyyətdən uzaqlaşdırıb. Prezident isə Konqresin (parlament) buraxıldığını və ölkədə komendant saatı tətbiq olunduğunu elan edib. Lakin hərbçilər və polislər Konqresi dəstəkləyib. Qanunvericilər səsverməni ləğv etməyib və dövlət başçısının istefasını təsdiqləyib, Perunun birinci vitse-prezidenti Dina Boluarte dövlət başçısı qismində and içib.
-
Region21:12
Diş həkimindən ŞOK ƏMƏL: implantı pasientin beyninə bağladı, sonra...
-
Sosial21:00
Yeddi gündən sonra meyiti tapılan İbrahimin FOTOSU
-
ABŞ20:12
Qız anası olmaq üçün 15 il dalbadal HAMİLƏ QALDI - FOTO
-
Magazin119:40
Rəqqasə Fatiməni məhkəməyə verdilər
-
Elm və təhsil19:30
Azərbaycanda məmur bu əməlinə görə İŞDƏN QOVULDU
-
Hadisə19:15
Bakı metrosunda sərnişin öldü
-
Kriminal18:36
İçki məclisi QANLA BİTDİ: Seyfullayev qətlə yetirildi
-
İdman18:24
Klopp və Salah arasında dava düşdü - VİDEO