ABŞ-dan Türkiyə mesajı: Pentaqon rəsmisi bu sualdan yayındı

ABŞ Müdafiə Nazirliyi Suriyada Baas rejiminin süqutu ilə ortaya çıxan vəziyyətlə bağlı Türkiyə ilə əlaqənin davam etdiyini açıqlayıb.

Publika.az xəbər verir ki, bu barədə Pentaqonun mətbuat katibinin müavini Sabrina Sinq gündəlik mətbuat konfransında danışıb.

Sinq ABŞ-ın Suriyadakı hadisələrlə bağlı Türkiyədəki həmkarları ilə davamlı əlaqədə olduğunu bildirib: "Biz bilirik ki, bölgədə vəziyyət daim dəyişən dinamikaya malikdir. Türkiyə şübhəsiz ki, Suriya daxilindən gələn təhdidlərlə üzləşir və özünü qorumaq hüququna malikdir".

ABŞ-ın Suriya ilə bağlı təkcə Türkiyə ilə deyil, digər tərəflərlə də əlaqə saxladığını bildirən Sinq, bölgədəki gərginliyi və münaqişələri azaltmağa çağırıb.

O, ABŞ-ın Suriyada yalnız İŞİD-ə qarşı mübarizə aparmaq üçün olduğunu və PYD/YPG terror qrupları ilə təmaslarını davam etdirdiyini iddia edib. Sinq Türkiyə ilə bu terror təşkilatları arasında qarşıdurmaların olması halında ABŞ-ın hansı mövqedə ola biləcəyi sualından isə yayınıb.

Roza