Mərmərə dənizində müəmmalı hadisə: Alimlər araşdırır - VİDEO

Türkiyənin İstanbul şəhərinin Kınalıada sahillərində yetkin delfinin körpə delfini dəfələrlə vuraraq ölümünə səbəb olduğu anlar telefon kamerası ilə lentə alınıb. Elm adamları mümkün səbəbləri araşdırır.

Publika.az xəbər verir ki, İstanbul Universiteti Su Elmləri Fakültəsinin müəllimi və Türkiyə Dəniz Araşdırmaları Vəqfinin (TÜDAV) vitse-prezidenti Mehmet Arda Tonay bildirib ki, görüntülər keçən avqust ayında bir dalğıc tərəfindən lentə alınıb.

Tonay qeydə alınan görüntünün dünyada əldə edilən nadir tapıntı olduğunu vurğulayıb:

"Videoda öz növündən olan bala delfini öldürən bir şiş burunlu delfinin davranışını görürük. Heyvanlarda “İnfanticide”, yəni “bala öldürmə” rast gəlinən bir haldır. Bunun daha çox erkək heyvanlar tərəfindən edildiyi düşünülür. Məqsəd balanı öldürüb anası ilə cütləşməkdir. Çünki süd verən dişi başqa erkəklə cütləşməz, ona görə də onun bu davranışı öz reproduktivliyini artırmaq üçün etdiyini düşünürük. Bu anların lentə alınması isə dünyada çox nadir olan bir nümunədir. Haqqında az şey bildiyimiz bu davranışları görmək bizim üçün böyük şansdır”.