Ağ Evdən sızdırdılar: Tramp Netanyahunun zənglərindən bezib

ABŞ prezidenti Donald Tramp İsrailin Baş naziri Binyamin Netanyahu ilə telefon danışıqlarından bezib, çünki söhbət adətən İsrail liderinin yeni hərbi əməliyyatlara çağırışına çevrilir.

Publika.az xəbər verir ki, bu barədə "Wall Street Journal" ABŞ administrasiyasının yüksək vəzifəli məmuruna istinadən məlumat yayıb.

Mənbə Tramp və Netanyahu arasındakı tipik ünsiyyəti təsvir edərək bildirib:

“Bibi (Netanyahu) prezidentə nəyisə niyə partlatmalı olduğunu, İsrail kəşfiyyatının bunu necə və nə vaxt edəcəyini bildiyini izah edir. Zənglər adətən eyni olur".

Qəzetin məlumatına görə, son həftələrdə iki lider arasında gərginlik artıb, Tramp İranla münaqişəyə son qoymağa çalışır, Netanyahu isə münaqişəni davam etdirməyə çalışır.

Bundan əlavə, mənbələrə görə, Amerika lideri Livanla bağlı son söhbətlərindən birində Netanyahudan niyə "binaları partlatdığını" soruşub və bu cür hərəkətləri dayandırmasını tələb edib.

Nəşr həmçinin yazır ki, Netanyahu ilə söhbətlərdən sonra Tramp indi daha tez-tez administrasiya rəsmilərindən İsrail baş nazirinin sözlərinin nə dərəcədə doğru olduğunu soruşur.

Müəllif: Tural