Kosmetoloqdan üz maskası ilə bağlı TÖVSİYƏ

Populyar gözəllik məhsulları – gözaltı patçilər həqiqətən də bəzi dəri problemlərini həll edə bilər, amma onların sizi qırışlardan xilas etmək ehtimalı azdır.

Publika.az xəbər verir ki, bu barədə rusiyalı kosmetoloq Oksana Koxnoviç danışıb.

“Patçilər qırışları hamarlaşdıran müvəqqəti effekt verə bilər, çünki onların tərkibində superaktiv maddə var. Biz onları dəriyə tətbiq etdikdə istixana effekti yaranır, dərinin nəfəs alması çətinləşir, bir az şişir və bu da qırışları hamarlaşdıran effekt verir. Həmçinin patçilərin tərkibində görünməz təbəqə yaradan maddələr var, bu da hamarlılq effektini yaradır”, - ekspert deyir.

Bununla belə, kosmetoloq patçilər almağı məsləhət görür, çünki bu məhsullar bir problemin həllində effektivdir:

“Patçilər çay paketləri kimi, səhərlər üzdəki şişkinliyin öhdəsindən gəlməyə kömək edə bilər. Onları soyuducuda saxlamaq və səhərlər, daha yaxşı olar ki, uzanmış vəziyyətdə tətbiq etmək kifayətdir. Soyutma səbəbindən kiçik damarlar daralacaq, şişkinlik əhəmiyyətli dərəcədə azalacaq”, - ekspert əlavə edib.

Mütəxəssisin fikrincə, xəstələrin rəyləri həmişə yarıya bölünür: bəziləri patçilərin həqiqətən effetk verdiyini, digərləri isə heç bir faydası olmadığını söyləyirlər.

Aytən Məftun