49 yaşlı hind aktrisasının gözəllik sirri - FOTO

2011-ci ildə ana olduqdan sonra karyerasına uzun fasilə verən aktrisa Ayşvariya Ray bu yaxınlarda 49 yaşını qeyd etdi. 1994-cü ildə “Dünya gözəli” titulunu qazanan məşhur, illər keçsə də, gözəlliyini qoruyub saxlamağa nail olub. Bəs hind gözəli bunun üçün nə edir?

Publika.az oxucuları Ayşvari Rayın gözəllik sirləri ilə tanış edib.

AROMATERAPİYA

Aktrisa əmindir ki, ağır iş günündən sonra aromaterapiya orqanizmi rahatlaşdırmağa və gərginliyi aradan qaldırmağa kömək edir. Efir yağlarının köməyi ilə burundakı qoxu reseptorlarına, limbik sistemə təsir edə, bədəndəki stress səviyyəsini azalda bilərsiniz. Onun sevimli efir yağları səndəl ağacı, çobanyastığı və lavandadır.

SAÇ MASKALARI

Saçlarının parlaq və həcmli görünməsi üçün Ray bir çox yağ maskalarından istifadə edir. Bitki və efir yağları saçın elastikliyi və gücünü artırır. Bu maskalar qırılmanın da qarşısını alır.

DÜZGÜN QİDALANMA

Zərərli qidalardan imtina edən məşhur, rasionda balansı qoruyur. Hər şey aydın və sadədir, lakin insanlar hələ də bu həqiqəti qəbul etməkdə çətinlik çəkirlər. Arıqlamaq istəyirsinizsə, “fast-fud”lardan uzaq durun. Ayşvari sağlam həyat tərzi tərəfdarıdır, odur ki, zərərli heç bir şey istifadə etməməyə çalışır.

SADƏ MAKİYAJ

Ayşvariya makiyajda da qızıl qaydaya əməl edir. Ray bu gözəllik sirrini də Mumbayda keçirdiyi mətbuat konfransında gənc pərəstişkarları ilə bölüşüb.

SU TERAPİYASI

Raynin gözəllik sirlərindən biri də su terapiyasıdır. Ulduz, gündə, təxminən səkkiz stəkan su içir. Beləliklə, bu vərdiş bədənin və dərinin nəm balansını qoruyur, həmçinin toksinlərin atılmasına kömək edir.