İdman

Qurbanovun adı dünyanın ən yaxşıları arasında - Reytinq AÇIQLANDI

8 Noyabr 2022 22:00

Baş məşqçilərinin noyabr ayı üçün ilk reytinq cədvəli açıqlanıb.

Publika.az xəbər verir ki, reytinq cədvəlində fəaliyyətini davam etdirən dünyanın 500 ən yaxşı mütəxəssisi yer alıb.

Azərbaycan klubları siyahıda iki mütəxəssislə təmsil olunub. “Neftçi”nin baş məşqçisi Laurentsiu Regekampf və “Qarabağ”ın çalışdırıcısı Qurban Qurbanov siyahısının ilk yarısında qərarlaşıb.

“250-lik”də yer alan mütəxəssislərin mövqeyi və xalı dəyişməz qalıb. Siyahıda yeganə azərbaycanlı olan Qurbanov 1595 xalla 210-cu pillədə qalıb. “Neftçi”nin rumıniyalı çalışdırıcısı isə 1627 xalla 177-cidir.

Siyahıya Pep Qvardiola (2194) başçılıq edir. Yurgen Klopp (2112) ikinci pilləyə qayıdıb. Joze Mourinyo isə 2063 xalla üçüncü mövqedə qərarlaşıb. (Mətbuat.az)