Təcavüzkar həkimin qurbanlarına təzminat ödəniləcək: Fantastik məbləğdə

ABŞ Ədliyyə Nazirliyi gimnastika milli komandasının və Miçiqan Dövlət Universitetinin keçmiş həkimi Larri Nassarın təcavüz etdiyi qurbanlara təzminat ödəyəcəyini açıqlayıb.

Publika.az xəbər verir ki, nazirlik bəyanat yayaraq Nassarın əməllərindən əziyyət çəkən şəxslərə 138,7 milyon dollar ödəyəcəyini açıqlayıb. Qurum bu razılaşma ilə cinsi istismar cinayətlərinə görə 300 ildən çox müddətə azadlıqdan məhrum edilən məşqçinin 10 ildən artıq müddətdə törətdiyu cinayət işini bağlayıb.

Ədliyyə Nazirliyinin qərar verdiyi rəqəmlərlə Nassarın təcavüz etdiyi qurbanlara ödəniləcək məbləğ 1 milyard dolları keçib. Daha əvvəl Miçiqan Dövlət Universite (500 milyon dollar) və ABŞ Gimnastika Federasiyası (380 milyon dollar) ümumilikdə 880 milyon dollar təzminat ödəməyə razılıq verib.

Qeyd edək ki, ABŞ gimnastika komandasının həkimi Larri Nasara qarşı cinsi zorakılıq şikayətləri ilk dəfə 2015-ci ildə başlayıb. Federal Təhqiqat Bürosunun (FTB) araşdırmalara başlaması aylar çəkib. Yüzlərlə qadına təcavüz edən həkim yalnız 2016-cı ilin noyabrında həbs olunub. Nassar 2018-ci ildə əməllərinə görə 300 ildən çox müddətə həbs cəzasına məhkum edilib.

Heybət