Həlledici penalti zamanı ekran qaraldı: Paraqvaylıların şok yaşadığı anın VİDEOSU

2026-cı il Dünya Kubokunun 1/16 final mərhələsinin Paraqvay və Almaniya arasında keçirilən oyunu azarkeşlərə turnirin ən böyük şoklarından birini yaşatmaqla yanaşı, həm də sosial mediada trend olub.

Publika.az xəbər verir ki, bir qrup paraqvaylı azarkeş dramatik oyunu izləmək üçün barda toplaşıb. Paraqvaylı oyunçu həlledici penaltini yerinə yetirmək üçün yaxınlaşanda ağlasığmaz və dəhşətli hadisə baş verib.

Matçı yayımlayan proyektor qəfildən yuxu rejiminə keçib və ekran tamamilə qaralıb. Bar dərhal səssizliyə qərq olub və azarkeşlərin üzündə şok və ümidsizlik hiss olunub.

Çoxları matçın ən vacib anında nə baş verdiyini anlamadan başlarını sıxıblar.

Xoşbəxtlikdən, orada olan hər kəs üçün qaranlıq cəmi bir neçə saniyə davam edib. Yayım bərpa edildikdə, Paraqvaylı oyunçuları artıq ekranda tarixi uğurlarını qeyd edirdilər. Bar sanki emosiyalarla dolu idi: azarkeşlər qışqırmağa, tullanmağa, qucaqlaşmağa və milli komandalarının tarixindəki ən parlaq qələbələrindən birini qeyd etməyə başlayıblar.

Paraqvay millisi 2026-cı il Dünya Kubokunun 1/16 final mərhələsində turnirin favoritlərindən biri olan Almaniyanı mübarizədən kənarlaşdırıb.

Əsas və əlavə vaxt 1-1 hesabı ilə başa çatıb və paraqvaylılar penaltilər seriyasında (4-3) qalib gələrək növbəti mərhələyə vəsiqə qazanıblar.

Müəllif: Tural