Qalmaqala aydınlıq gəldi: Pol özü Həbibdən xahiş edibmiş ki…

Amerikalı məşhur videobloqçu Ceyk Pol Nyu-Yorkda keçirilən PFL turnirində Həbib Nurməhəmmədovun çempionluq kəmərini ondan alıb qalib Usman Nurməhəmmədova verməsi ilə bağlı hadisəni şərh edib.

Publika.az xəbər verir ki, blogerin sözlərinə görə, o, şəxsən UFC əfsanəsindən bunu etməsini istəyib.

“Bu, sadəcə dəlilikdir, çünki kəmər ona verməzdən əvvəl Həbibə dedim ki, kəməri əmin oğluna məhz sən verməlisən.

Hətta promouter olmaq və bütün bunlara görə təriflənmək belə istəmirəm. Əslində, bunların hamısı döyüşçülər üçündür. Həyatımda hər şeyi hazırlamışam. Bütün bunları sözün əsl mənasında döyüşçülər üçün edirəm.

Mən Həbibə kəməri götürüb əmisi oğluna taxmasını dedim, çünki bu, mənim etməyimdən daha maraqlıdır. Amma sonda hər şey internetdə mənə ləkə atdıqları başqa bir hekayəyə çevrildi. Həbibdən soruşun.

Tənqid etməyəı davam edin, edin. Siz hamınız qoyunsunuz”, – deyə Pol sosial mediada yazıb.

Daha əvvəl mediada Həbibin kəməri Poldan aldığı iddia edilmişdi. Nurməhəmmədov özü hadisə və ya Polun şərhləri ilə bağlı heç bir şərh verməyib.

Publika.az