Azərbaycanda Gəncə terroruna qarşı BÖYÜK KAMPANİYA başladıldı - FOTO

Erməni model Kim Kardaşyan və ailəsinin Ermənistan ordusuna maddi yardım etməsi, bu pulla da düşmən ölkənin Gəncədəki mülki şəxsləri hədəfə almasına diqqət çəkən kampaniya başladılıb.

Publika.az-ın məlumatına görə, erməni terroru ilə bağlı bu kampaniyaya Feysbukda fəaliyyət göstərən “Amerikansayağı Bakı” səhifəsi start verib.

Bildirilir ki, kampaniya saat 12:00-dan Tvitterdə start götürüb: “Tvitterdə misli görünməmiş həştaq kampaniyasına başlayırıq. Kardaşyan ailəsinin terroru maliyyələşdirməsi, o pulla alınan bombaların Gəncədə uşaqları hədəf aldığını, insanları yaraladığını dünyaya çatdıracağıq. İngilis sdili biliyi yaxşı olanlar bu barədə qısa və lakonik mətnlər hazırlayıb yayımlaya, bir neçə cümlə yazaraq, #KardashiansSupportTerrorism, #PrayForGanja həştaqları ilə paylaşa bilərlər”.

Qeyd edək ki, Ermənistan ordusunun Gəncənin mərkəzi hissəsində yerləşən çox mənzilli yaşayış binalarını raket atəşinə tutması nəticəsində 4 qadın olmaqla 9 nəfər həlak olub, 16 qadın, 6 azyaşlı olmaqla 34 nəfər yaralanıb, həmçinin 10-dan artıq çoxmənzilli binaya və 100-dən çox müxtəlif təyinatlı obyektlərə ziyan dəyib.

Akqabay