• USD 1,7000 0,00% EUR 1,9208 -0,23%
    • GBP 2,2592 -0,02% RUB 0,0230 +0,43%

Rusiya restoranları robotları işə götürəcək

  • MDB
  • 18 Oktyabr 2021 05:15
Rusiya restoranları robotları işə götürəcək

Rusiyanın Moskva, Sankt-Peterburq və Perm şəhərlərindəki restoranlar koronavirusa qarşı peyvənd olunmuş və ya yoluxub sağalmış insanların QR kodunu yoxlamaq üçün robotları işə götürəcək.

Publika.az xəbər verir ki, bu barədə "RIA Novosti" məlumat yayıb.

Xidmət robotları istehsal edən Rusiyanın "Promobot" şirkətindən bildirilib ki, artıq bu məqsədlə ilk robotlar təqdim olunub.

"Həmin robotları restoranlar giriş hissəsində dayanıb ora gələnlərlə ünsiyyət yarada bilərlər", - deyə məlumatda bildirilir.

Əsas avadanlıq dəstinə əlavə olaraq, robotlar QR kodlarını oxumaq üçün skaner və pasport skaneri ilə təchiz olunub. Bundan başqa, robotlar Rusiyanın dövlət xidmətlərini birləşdirən "Qosusluq" servisinə də inteqrasiya ediliblər. Bunun sayəsində həm QR kodun, həm də pasport və ya digər sənədin həqiqiliyini yoxlamaq mümkün olacaq.

Şirkətdən bildirilib ki, bu tip robotlardan restoranlarla yanaşı, aeroportlarda və təhsil müəssisələrində də istifadə olunacaq.

Qeyd edək ki, Rusiyada son günlər COVID-19-a yoluxma və ölüm hallarının sayı yenidən artıb. Bu isə bir sıra müəssisələrdə məhdudiyyətlərin tətbiqini zəruri hala gətirib. Belə məhdudiyyətlərdən biri də kafe, restoran və digər qapalı yerlərə yalnız peyvənd olunmuş və ya xəstəliyə yoluxub sağalmış şəxslərin buraxılmasından ibarətdir ki, bu da QR kod vasitəsilə həyata keçirilir.

Halal Nemət

Xəbər lenti

DAHA ÇOX XƏBƏR