MDB

Krım körpüsünün partladılmasını kim sifariş edib? - Putin AÇIQLADI / VİDEO

9 Oktyabr 2022 22:13

Rusiya prezidenti Vladimir Putin Krım körpüsündə baş verən fövqəladə vəziyyəti müzakirə etmək üçün İstintaq Komitəsinin rəhbəri Aleksandr Bastrıkinlə görüş keçirib.

Publika.az xəbər verir ki, bu barədə REN TV məlumat yayıb.

Dövlət başçısı bu obyektdəki partlayışın arxasında Ukrayna xüsusi xidmət orqanlarının olduğunu bildirib.

"Burada heç bir şübhə yoxdur, bu, Rusiya Federasiyasının kritik infrastrukturunu məhv etməyə yönəlmiş terror hücumudur. Müəlliflər, icraçılar, sifarişçilər isə Ukraynanın xüsusi xidmət orqanlarıdır", - Putin bildirib.

Bastrıkin hücumun iştirakçılarının müəyyən edildiyini bildirib:

"Bunlar Ukrayna xüsusi xidmət orqanlarının əməkdaşları, Ukrayna və xarici dövlətlərin vətəndaşlarıdır. Hücumun hazırlanmasında onlara köməklik göstəriblər".

İstintaq Komitəsinin rəhbəri bildirib ki, fövqəladə vəziyyət faktı ilə bağlı “Terrorçuluq” maddəsi ilə cinayət işi başlanıb.

Hüseyn İbadlı