MDB

Kadırovla bağlı ŞOK İDDİA: "Gözlərini aça bilmir..."

3 Mart 2023 21:24

Çeçenistan rəhbəri Ramzan Kadırovun səhhətində ciddi problemlər yaranıb.

Bu barədə Publika.az "Bild"ə istinadla xəbər verir.

Bildirilir ki, o, son bir neçə ayda çox arıqlayıb, çox şişkin görünür, videolarda isə tez-tez gözlərini aça bilmir.

Ehtimal olunur ki, Kadırovun böyrəklərində ciddi problemlər var. Bunu mühacirətdə olan İçkeriya baş nazirinin keçmiş müavini Əhməd Zakaev iddia edir.

Kadırov Moskva həkimlərinə etibar etmədiyi üçün Birləşmiş Ərəb Əmirliklərindən Çeçenistana həkim gətirib. Əbu-Dabidəki Burjil xəstəxanasının böyrək şöbəsinin müdiri, doktor Yasin İbrahim M. Əl-Şahat Kadırovun müalicəsi üçün Qroznıya uçub.

Elə buna görə də Çeçenistan rəhbəri fevralın 21-də Rusiya lideri Vladimir Putinin Moskvadakı çıxışında iştirak edə bilməyib.

Kadırovun bəzən enerjili və hərəkətli görünməsi stimullaşdırıcı vasitələrdən istifadə ilə bağlıdır. İddia olunur ki, Çeçenistan rəhbəri bu və digər həblərə aludə olub.

Hüseyn İbadlı