ABŞ-a məxsus PUA Rusiya sərhədində - Onlar üçün məlumat toplayır

ABŞ istehsalı olan “Global Hawk” kəşfiyyat pilotsuz uçuş aparatı Leninqrad və Pskov vilayətləri yaxınlığında görüntülənib.

Publika.az xəbər verir ki, bu barədə "SHOT" "Telegram" kanalı məlumat yayıb.

Portalın məlumatına görə, FORTE12 kimi tanınan Amerika PUA-sı Estoniya ərazisi üzərində Kanepi kəndindən (Pskov vilayətinə 50 km) Kiviõli şəhərinə (Leninqrad vilayətinə 54 km) qədər dövrə vurub. Onun marşrutu Rusiya sərhədi boyunca 151 km uzanıb.

Ehtimal olunur ki, PUA Ukrayna Silahlı Qüvvələri üçün məlumat toplayır. Məlumdur ki, “Hawk” iki gün əvvəl NATO-nun İtaliyanın Siciliyasındakı Sigonella Hərbi Hava Stansiyasından havaya qalxıb, sonra Yunanıstan, Bolqarıstan, Macarıstan, Rumıniya, Slovakiya, Polşa, Litva, Latviya üzərindən keçib və Estoniyada qalıb.

"RQ-4 Global Hawk" ABŞ-ın strateji kəşfiyyat pilotsuz təyyarəsidir. O, 18 min metrə qədər yüksəklikdə uça bilir və 12.300 dəniz milindən (təxminən 23 min km) çox uçuş məsafəsinə malikdir. Havada qalmanın maksimum müddəti 36 saatdır.

Hüseyn İbadlı