Putinin Rusiyanı ayıya bənzətməsinin şifrələri açıqlandı

Ayı dostlar üçün mehriban, rəqiblər üçün isə maraqlarını və ərazisini müdafiə etməyə hazır olan qəzəbli heyvandır. Ola bilsin ki, Vladimir Putin Rusiyanı ayı ilə müqayisə edərkən bunu nəzərdə tutub.

Publika.az xəbər verir ki, bunu politoloq Aleksey Makarkin deyib.

Qeyd edək ki, "Rusiyanın Hindistan və Çinlə ittifaqdakı yeri" ilə bağlı suala cavabında Putin “Ayı elə ayıdır” cavabını verib.

Aleksey Makarkin xatırladıb ki, ayının rus mədəniyyətində xüsusi yeri var. "Ayı Rusiya üçün arxetipik simvoldur. Özü də ikili heyvandır. Onun tərkib hissələrindən biri xeyirxahlıq, dostluqdur. Olimpiya ayısı haqqında mahnıda oxuduqları kimi - "mehriban Mişa" ifadəsi işlədilir. Təbiətdə ayı güclü, nəhəng heyvandır, meşənin və onun ərazisinin sahibidir. Əgər incisə, öz ərazisini müdafiə edəcək. Rusiya da BRİKS və ŞƏT çərçivəsində dost ayıdır", - politoloq Vladimir Putinin Dünya İqtisadi Forumunun plenar iclasında dediklərini belə şərh edib.

Politoloq bildirib ki, Çin və Hindistan müəyyən mənada yaxın, digər tərəfdən isə fərqli ölkələrdir: "İndi daha da yaxınlaşıblar, onları Hindistana çox sərt təzyiqlər etməyə başlayan ABŞ və Tramp müəyyən dərəcədə yaxınlaşdırıb".

Adəm