Kurskda Şimali Koreya əsgərlərinin şərəfinə abidə ucaldılacaq
Bizi izləyin

MDB

Kurskda Şimali Koreya əsgərlərinin şərəfinə abidə ucaldılacaq

Kurskda Şimali Koreya əsgərlərinin şərəfinə abidə ucaldılacaq

Rusiyanın Kursk şəhərində Şimali Koreya hərbçilərinin şərəfinə ucaldılmış heykəl-kompozisiya 2026-cı ilin sonunadək açılacaq.

Publika.az xəbər verir ki, bunu Rusiya prezidenti Vladimir Putin Kremldə Koreya Fəhlə Partiyası Mərkəzi Komitəsinin katibi Ço Yon Vonla görüşündə bildirib.

Putinin sözlərinə görə, Şimali Koreya hərbçiləri Kursk vilayətinin azad edilməsi zamanı Rusiya əsgərləri ilə birlikdə döyüşüb. O, koreyalı hərbçilərin göstərdiyi qəhrəmanlığı unutmayacaqlarını vurğulayıb.

Rusiya lideri həmçinin Şimali Koreyanın istehkamçı və mühəndis bölmələrinin ərazilərin minalardan təmizlənməsi və infrastrukturun bərpasına töhfə verdiyini qeyd edib.

Xatırladaq ki, Rusiya və Şimali Koreya 2024-cü il iyunun 19-da hərtərəfli strateji tərəfdaşlıq haqqında müqavilə imzalayıb. Sənəd həmin il dekabrın 4-də qüvvəyə minib və təcavüz halında qarşılıqlı hərbi yardım nəzərdə tutur.

Müəllif: Adəm

Oxumağa davam et
Reklam
Reklam

Gündəm