İsrailin “S-300” QORXUSU: sentyabrın 17-dən...

İsrail sentyabrın 17-dən – Suriyanın hava hücumundan müdafiə sisteminin səhvən Rusiyanın “İl-20” hərbi təyyarəsini vurmasından sonra Suriya ərazisində heç bir sərbəst hərbi əməliyyat keçirməyib.

Publika.az “RİA-Novosti” agentliyinə istinadən xəbər verir ki, bu haqda “Contra Magazine” nəşri yazıb.

Nəşr qeyd edir ki, İsrail “S-300” zenit-raket komplekslərinin Suriyaya çatdırılmasına baxmayaraq, bu ölkənin bombardmanını dayandırmayacağını bir neçə dəfə açıqlayıb. Lakin “İl-20”-nin vurulması anından İsrail KİV-ində belə əməliyyatlar haqqında heç bir informasiya getməyib.

“Contra Magazine” qeyd edir ki, hücumların davam etdiyi, amma onlara bu haqqda informasiyaların verilməsinin dayandırılması barədə versiya praktik olaraq istisna olunmur.

Xatırladaq ki, Rusiya “S-300” zenit-raket sisteminin çatdırılması çərçivəsində Suriyaya texnikanın 49 vahidini oktyabrın əvvəlində çatdırıb. Bu haqda ötən gün Rusiya prezidenti Vladimir Putinin Təhlükəsizlik Şurasının üzvləri ilə görüşündə müdafiə naziri Sergey Şoyqu bildirib. Müdafiə Nazirliyinin başçısı bildirib ki, Suriya mütəxəssislərinin hazırlanması üçün üç ay tələb ediləcək.

Qeyd edək ki, “S-300” zenit-raket sisteminin Suriyaya çatdırılması haqqında qərar Aralıq dənizi üzərində Rusiyanın "İl-20" tipli hərbi təyyarəsinin vurulmasından sonra verilib.

Ömər