Yaxın Şərq

Mossada məlumat ötürdük və gecə yarısı... - HƏMAS liderindən sensasion etiraf

2 Noyabr 2023 16:33

“7 oktyabr hücumunu özümüz təşkil etdik, xaricdən bizi yönləndirən yox idi. Hətta Mossada Qəzzadakı vəziyyətlə bağlı yanlış məlumatlar da göndərdik. İsrail ordusunu və kəşfiyyatını “yuxuya verdik”.

Publika.az xəbər verir ki, bu barədə HƏMAS-ın rəhbərlərindən Talal ən-Nassar deyib.

O qeyd edib ki, həmin gün İsraildə dini bayram idi: “Bayramdan öncə İsrailin daxili kəşfiyyat idarəsi (Şabak) və Mossad bir hesabat hazırladı. Hesabatda qeyd olunurdu ki, Qəzzada və sərhəddə təhlükəsizlik heç olmadığı qədər güclüdür. Bu hesabata görə çox rahat idilər və biz də gecə qəfil hücuma keçdik. Bütün sistemlərini çökdürdük”.

HƏMAS lideri qeyd edib ki, 7 oktyabrda qəfil hücumla üz-üzə qalan İsrailin daxilində qarşıdurma yaşanır.

Asif