“Ermənilər bir şeyi anlamalıdır ki...” - 38 il öncə Sürixdə məxfi görüş
Bizi izləyin

Nida.az

“Ermənilər bir şeyi anlamalıdır ki...” - 38 il öncə Sürixdə məxfi görüş

“1977-ci ildə Türkiyə xarici işlər naziri ilə üç erməni partiyası liderinin Sürixdə məxfi görüşü olub. Bu haqda ermənilər memuarlarında yazırlar. Lakin mən həmin görüşə şahidlik etmiş nazir köməkçisi Oktay Aksoyu tapdım. O sağdır və Ankarada yaşayır. Mən 1977-ci ili türklər və ermənilər üçün “qaçırılmış imkanlar” adlandıra bilərəm. Çünki o vaxt bir araya gəlinmişdi və mexanizm yaradıla bilərdi”.


Publika.az xəbər verir ki, bu barədə “Karneqi” fondunun analitiki, britaniyalı jurnalist Tomas de Vall qondarma “erməni soyqırımı” məsələsindən danışarkən deyib.


Onun sözlərinə görə, hazırda bu məsələyə görə böyük münaqişələrə gərək yoxdur: “Hesab edirəm ki, türklər və ermənilər yenidən bir araya gələ və həqiqətləri öz aralarında axtara bilərlər. Ermənilər artıq anlamalıdırlar ki, böyük güclər “erməni məsələsindən” siyasi vasitə kimi istifadə edir”.


T. Vall ABŞ prezidenti Barak Obamanın “soyqırım” ifadəsini işlədib-işlətməyəcəyi haqda da danışıb.


“Ermənilər ABŞ prezidentinin bu ifadəni işlətməsini çox istəyirlər. Vaxtilə Ronald Reyqan bu ifadəni işlədib. Lakin bu ifadənin işlənməsi məsələnin hüquqi baxımından tanınması deyil. Bu mümkün olmayan məsələdir. Hətta BMT-nin 1948-ci ildə qəbul olunan soyqırımlarla bağlı konvensiyası da keçmişlə mübarizə aparmaq mexanizminə malik deyil”, - deyə o bildirib.


Asif Nərimanlı

Oxumağa davam et
Reklam
Reklam

Gündəm