Rusiya-Ukrayna müharibəsi: nəticə necə ola bilər?

Rusiya Ukraynanı işğal edir: hücumun arealı hədəfin təkcə separatçı “respublikaların” iddia etdikləri sərhədə çıxmaq olmadığını göstərir; Kiyev də daxil olmaqla müxtəlif şəhərlərin vurulması Ukrayna ordusunun cəmləşməsinin qarşısını almağa da hesablana bilər, hərçənd, rus ordusunun müxtəlif istiqamətlərdən Kiyevə doğru irəliləməsi Kremlin bütün ölkəni işğal etmək niyyətindən xəbər verir;

NATO-nun son açıqlaması göstərdi ki, Putin Kiyevi də işğal etsə, Qərb qarışmayacaq: Rusiyaya qarşı siyasi və iqtisadi sanksiyalar tətbiq edəcəklər; sanksiyalar Rusiyanı zəiflədəcək, lakin Putinin itkilərini hesablamadan hücuma keçdiyi inandırıcı deyil; 2008-ci il və 2014-cü il sonrası da bunu göstərir;

Belə görünür ki, Qərb Rusiyanı zəiflətmək üçün müharibədə maraqlıdır, hərçənd, Ukrayna üzərində ABŞ-Rusiya toqquşması başlayandan o fikirdəyəm ki, hədəf “soyuq müharibə” dövründə olduğu kimi Qərb və Şərq blokunu formalaşdırmaqdır: Putinin separatçıları tanıması və Baydenə Qərb blokunu formalaşdırmaq imkanı yaratması da bu ehtimalı önə çıxarır;

Bu müharibə post-sovet məkanında rusların təsir gücünü artıracaq və mümkündür ki, ABŞ de-fakto Moskvanın bu bölgədə - Şərq blokunda hakimliyini qəbul edəcək.