Nida Təhlil

Balasanyan Azərbaycana görə erməni “polisləri” təhqir etdi - Qarabağda nə baş verir?

5 Noyabr 2022 10:55

Rusiya sülhməramlılarının müvəqqəti yerləşdiyi Azərbaycan ərazisindəki ermənilər arasında siyasi intriqalar qızışıb.

Publika.az xəbər verir ki, separatçı rejimin qondarma “təhlükəsizlik şurasının katibi” Vitali Balasanyanın “vəzifəsindən çıxarılması” məsələsi gündəmdədir.

Xankəndində “oturaq aksiya”a keçirən qrupların tələblərindən biri də V.Balasanyanın uzaqlaşdırılmasıdır.
Aksiya təşkilatçılarından olan Tiqran Petrosyan Balasanyanı azərbaycanlılarla əməkdaşlıqda ittiham edir.

Onun iddiasına görə, Balasanyan Azərbaycan avtomobillərinin keçidinə icazə vermək istəməyən separatçı rejimin “polisləri”ni təhqir edib.

“Polislər” Azərbaycan maşınlarının keçidinə icazə verməyəndə, Balasanyan elə azərbaycanlıların yanında onları təhqir edib, aşağılayıb. Biz hesab edirik ki, Balasanyan azərbaycanlılarla işləyir”, - T.Petrosyan iddia edib.

Asif