Rusiya bəlli məqamda Ermənistana bədəl ödətdirəcək: Fransa işə qarışsa...

“Fransa Avropa Birliyinin strateji hissəsi və güclü geosiyasi meyllərə malik bir ölkəsi kimi Cənubi Qafqazda nüfuz sahibi olmaq istəyir. Digər tərəfdən ölkədə altı yüz minlik erməni diasporu var. Fransa bir növ diasporanın gözləntilərinə cavab verməlidir”.

Bu sözləri Publika.az-a açıqlamasında Abdullah Ağar deyib. Ekspert bildirib ki, Fransa Cənubi Qafqazda nüfuz sahibi olmaq və diasporanın gözləntilərini qarşılamaq istəyir:

“Bundan əlavə belə bir yanaşma var: Türkiyə və Azərbaycana qarşı mövqe yaratmaq. Onların Ermənistanla bağlı planları var. Fransa Ermənistan vasitəsilə nüfuz sahibi olmaq, Ermənistanda nüfuz sahibi olmaq, onun diasporasının gözləntilərinə cavab vermək, Fransanın geosiyasi maraqlarına uyğun hərəkət etmək kimi səbəblərə görə Ermənistanla əlaqələri inkişaf etdirmək və ya dərinləşdirmək istəyir".

"Bundan başqa, Fransanın maraqlı bir şəkildə İranla asimmetrik münasibətləri var. Təbii ki, Rusiya bundan narahat olacaq. Çünki Rusiya Ukraynada müharibə aparır və bu müharibədə ona qarşı olan ölkələrdən biri də Fransadır. İndi Fransanın Rusiya üçün çox mühüm geosiyasi məkanda, Cənubi Qafqazda nüfuz sahibi olmaq cəhdləri Rusiyanı narahat edəcək”.

Abdullah Ağar qeyd edib ki, buna baxmayaraq Ermənistan sərbəst qərar vermək istəyə bilər:

“Lakin digər tərəfdən Ermənistan nəticədə müstəqil dövlətdir. Yəni beynəlxalq çərçivədə öz qərarlarını vermək istəyəcək. Və son vaxtlar Ermənistanın Qərbə yaxınlaşması və Rusiyadan uzaqlaşması faktı formalaşıb. Bu halda Rusiya Ermənistanın ondan asılılığından istifadə etmək istəyə bilər. Ermənistanın geri çəkilməsi hansısa yolla Rusiyanın maraqlarına meydan oxuyacaq, ya da belə bir təhlükə yaradacaq. Cənubi Qafqazdakı birləşmələr mövqeləri pozarsa, Rusiya hansısa formada müdaxilə etmək istəyəcək. Bu, ola da bilər, olmaya da. Çünki indi Rusiyanın mövqeyində dəyişikliklər var. Yəni nəticədə Ermənistanın indiki mərhələdə Rusiyanı nəzərə almaması çətin görünür. O, Rusiyanı nəzərə almaq məcburiyyətindədir. Çünki nəzərə almazsa, Rusiya onun bədəlini ödədər”.

Onun sözlərinə görə, Ermənistan Rusiyadan çox asılıdır və bu asılılıqdan Moskva müxtəlif yollarla istifadə edə bilər:

“Amma Ermənistan da öz asılılıqlarından qurtulmağa meyllidir və bu məqamda həll yolunu Fransa, Avropa İttifaqı və ABŞ-la əməkdaşlıqda görə bilər. Bu çox gərgin, çox təhlükəlidir. Region müharibədən təsirlənir. Yəni Ermənistan bunu tarazlaya bilərmi? Bundan o qədər də əmin deyiləm.

Çünki Rusiya kimi bir ölkəni öz qarşısına almaq qarşısına aldığı zaman ortaya çıxacaq risklərlə, birgə hərəkətlərlə üzləşmək kimi bir nəticə ortaya çıxaracaq. O zaman bir sual verməliyik: Fransa, Avropa Birliyi və ABŞ Rusiyaya qarşı real vaxtda çəkindirici təsir göstərə bilərmi? Açığı, mən hesab edirəm ki, bu çox asan deyil. Başqa sözlə desək, Rusiya real vaxtda təsirini ortaya qoyarkən, Ermənistanın əməkdaşlıq etdiyi Fransa, Avropa İttifaqı və ya ABŞ üçün bu təsirə cavab vermək çətin görünür. Buna cəhd etsələr, bölgə çox istiləşəcək və gərginlik artacaq. Bu, asan iş deyil”.

Nəzrin Cavadzadə