Bu ölkə də erməni separatçılarını silahlandırır

“Erməni lobbisi ənənəvi olaraq ABŞ-ın separatçılara vəsait ayırmasına nail oldu. 2023-cü ildə minaların təmizlənməsi istiqamətində separatçılara 2 milyon dollar pul ayrılıb. Şübhə yoxdur ki, ayrılan vəsait minaların təmizlənməsinə deyil, əksinə, minaların daha geniş həcmdə istehsalına və basdırılmasına xidmət edəcək. Bu da region üçün böyük təhddidir”.

Bu sözləri Publika.az-a açıqlamasında politoloq İlyas Hüseynov deyib.

Politoloq bildirib ki, humanitar yardım adı altında ayrılan ianə və pullar erməni separatçılarının silahlanmasına xidmət edir.

“Bəzi Qeyri Hökümət Təşkilatları var ki, onlar minaların təmizlənməsi fəaliyyəti ilə məşğuldurlar. Məlumata əsasən ABŞ təşkilatları Ermənistanla fəal iş apararaq, birinci Qarabağ müharibəsi dönəmində basdırılan minaları təmizləyiblər. Bu, qəbuledilməz bir yanaşma idi. Çünki birtərəfli qaydada Ermənistana və separatçılara dəstək həyata keçirilirdi".

İ.Hüseynovun sözlərinə görə, erməni lobbisi regionda sülhün təmin olunmasına maneçilik törədir.

“Biz aydın şəkildə gördük ki, 30 illik işğal dövründə Ermənistan üçün ayrılan vəsaitlər mühəndis-istehkam qurğularına, səngərlərin, tunellərin qazılmasına xərcləndi. Lakin buna baxmayaraq biz bu tikilən qurğuları ikinci Qarabağ müharibəsində darmadağın etdik və əzəli torpaqlarımızı işğaldn azad etdik. Əfsuslar olsun ki, Ermənistan tərəfi sülh barədə düşünmür. Bu istiqamətdə hər hansı bir addım atılmasının tərafdarı deyil. Bu da öz növbəsində vətəndaşlarımızın, keçmiş məcburi köçkünlərimizin öz evlərinə qayıtmaq prossesini ləngidir və mənfi təsir göstərir”.

Ayşən Rəhim