Rusiya ABŞ-a səsdən sürətli raketlərlə cavab verdi: 2021-ci ilə qədər...

Rusiyanın müdafiə naziri Sergey Şoyqu quruya yerləşdirilə bilən kruiz raketi və yeni səsdən sürətli raket istehsal; üçün orduya əmr verib.

Publika.az xəbər verir ki, nazir hər iki silahın istehsalının 2021-ci ilə qədər tamamlanmasını istəyib.

O bildirib ki, ABŞ-ın Rusiya ilə imzaladığı “Orta Mənzilli Nüvə Qüvvələri Razılaşması”ndan çıxmasına qarşı bu tədbirlər görülür:

“Amerikalılar mənzili 500 km-i keçən, quruya yerləşdirilə bilən raketlər istehsal etmək üçün aktiv şəkildə işləyir. Bu da razılaşmada nəzərdə tutulan mənzil səviyyəsini aşırdı. Putin də bu səbəbdən eyni növ silahların istehsal olunmasını istədi. Qurudan atılan raketlərin mənzilinin artırılması bizim üçün əhəmiyyətlidir”.

Qeyd edək ki, “Orta Mənzilli Nüvə Qüvvələri Razılaşması” 500-5.500 km arasında olan və qurudan buraxılan nüvə raketlərinin istehsalını qadağan edirdi.

Razılaşmanın ləğv edilməsi və Şoyqunun göstərişi ilə mənzili 1500 km olan və dənizdən quruya buraxılan “Kalibr” tipli kruiz raketlərinin qurudan buraxılan versiyasının modelləri istehsal edilə biləcək.

Zümrüd