Ərdoğan bütün dünyaya ELAN ETDİ: "Bir gecə qəflətən..."

“Bir gecə qəflətən gələ bilərik” demişdik.

Publika.az xəbər verir ki, bunu Türkiyə prezidenti Rəcəb Tayyib Ərdoğan deyib.

Serbiyaya səfərindən öncə jurnalislərə açıqlama verən prezident bildirib ki, Türkiyə Suriyanın şimalını terror ünsürlərindən təmizləməkdə qətiyyətlidir: “Axşamkı görüşümüzdən sonra cənab prezidentin (Donald Tramp - red.) də dediyi kimi, çəkilmə (Pentaqonun Suriyanın şimalından çıxması – red.) başlayıb. Bu, yeni bir şey deyil, tarixi olan bir şey. Cənab Tramp təlimatını vermişdi, çəkilməyi əmr etmişdi. Axşamkı görüşdən sonra bu vəziyyət eyni qətiyyətlə davam edəcək. Verilmiş bir qərarımız var. Bir gecə qəflətən gələ bilərik demişdik. Qətiyyətimiz davam edir. Terror təşkilatlarının təhdidlərini qəbul etməyimiz mümkün deyil”.

Ərdoğan Türkiyənin girmək istədiyi bölgədə həbsdə olan İŞİD terror təşkilatı üzvlərindən məsuliyyət daşıması haqqında danışaraq qeyd edib ki, rəqəmlər bir az şişirilib: “Hazırda həbsxanada olan bəzi rəqəmlər var. Bu məsələ ilə bağlı bizim də bir yanaşma tərzimiz mövcuddur. “İŞİD-çilərin nəzarətini əlimizdən buraxmalıyıq, artıq kifayətdir” deyirlər. Bu məsələdə hansı addımı atacaqları ilə bağlı özləri işləyəcək. Nə kimi bir addım atsınlar ki, İŞİD-çiləri sərbəst buraxsınlar”.

ABŞ prezidenti Donald Trampın Vaşinqtona səfər təklifi haqqında düşüncələrini bölüşən prezident bildirib ki, noyabrın ilk yarısında səfər gerçəkləşəcək: “Görüşün üz-üzə olmasına görə işin dərinliyini, Türkiyə-ABŞ münasibətlərini və bölgədəki prosesləri müzakirə etmək fürsətimiz olacaq. Başlıqlardan biri də F-35 məsələsidir. Bu, uzanan proses oldu. Görüşdə bununla bağlı yekun qərar almaq istəyirik. Biz ödəmələrdə axsaqlıq etmirik. 1,4 milyard ödəniş etdik”.

Zümrüd