Ölkədə bütün sular koronavirus testindən keçiriləcək - TƏHLÜKƏ

Türkiyədə təmiz və tullantı sularında Kovid-19 virusu ilə bağlı analizlər aparılacaq.

Publika.az xəbər verir ki, bu barədə Kənd təsərrüfatı və meşəçilik naziri Bəkir Pakdəmirli danışıb.

Nazir bildirib ki, bu məsələdə ehtimal edilən bütün risklərə qarşı qabaqlayıcı xəbərdarlıq sistemi qurulacaq. İşlər Türkiyə Su İnstitutunun koordinasiyasında aparılacaq. Bu çərçivədə Mərmərə Universiteti Ekologiya Mühəndisliyi fakültəsinin müəllimi Bilgə Alpaslan Qocamemi və molekulyar bioloq Xəlil Kurtun rəhbərliyi ilə ölkə miqyasında sutəmizləmə təsislərinin giriş, çıxışlarında 24 saatlıq kompleks çirkab suları nümunələri götürüləcək.

Nümunələrin Baytarlığa Nəzarət Mərkəzi Araşdırma İnstitutu Laboratoriyalarında PZR analizləri ilə Kovid-19 miqdarı təyin ediləcək.

Qeyd edək ki, ABŞ-ın “Biobot Analytics” tibbi araşdırma qurumu Massaçusets ştatındakı tullantı sularında gözləniləndən daha çox yeni tip koronavirus qalıqları tapmışdı. Bunun sayəsində ştatda rəsmi açıqlanandan daha çox COVID-19 xəstəsi olduğu ortaya çıxmışdı.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Zümrüd