Türkiyədən ACI XƏBƏR: Ölənlərin sayı artdı - FOTO - (YENİLƏNDİ)

Türkiyənin Qaziantep şəhərindəki özəl xəstəxanada baş verən partlayış nəticəsində ölən pasiyentlərin sayı 11-ə çatıb.

Publika.az xəbər verir ki, hadisədən sonra xəsarət alan daha üç nəfər müalicə aldığı xəstəxanada həyatını itirib.

xxx

Türkiyənin Qaziantep şəhərindəki özəl xəstəxanada baş verən partlayış nəticəsində ölən pasiyentlərin sayı 9 nəfərə çatıb.

Publika.az Türkiyə mətbuatına istinadla xəbər verir ki, bu barədə ölkənin səhiyyə naziri Fəxrəddin Qoca məlumat verib.

"Vəfat edənlərin sayı 9 oldu", - deyə nazir bildirib.

Onun sözlərinə görə, hadisənin başvermə səbəbi araşdırılır.

Qeyd edək ki, hadisə SANKO Universitetinin Reanimasiya şöbəsində baş verib. Şöbədə oksigen balonu partlayıb. Partlayışdan sonra yanğın baş verib.

Məlumata görə, 20 nəfərlik Reanimasiya şöbəsində 19 xəstə olub. Onların 9-u ölüb. Digər pasiyentlər yaxınlıqdakı başqa hospitala yerləşdirilib.

09:56

xxx

Bu gün səhər saatlarında Türkiyənin Qaziantep şəhərində yerəşən özəl kinikada oksigen balonunun partlaması nəticəsində ölənlərin sayı məlum olub.

Publika.az NTV-yə istinadən xəbər verir ki, ilkin məlumata görə hadisə nəticəsində oksigen aparatına qoşulmuş 8 koronavirus xəstəsi ölüb.

Məlumata görə, 20 nəfərlik Reanimasiya şöbəsində 19 xəstə olub. Onların 8-i ölüb. 11 pasiyent yaxınlıqdakı başqa hospitala yerləşdirilib.

09:28

xxx

Bu gün səhər saatlarında Türkiyənin Qaziantep şəhərində yerləşən klinakalardan birində partlayış olub.

Publika.az xəbər verir ki, koronaviruslu xəstələrin müalicə edildiyi xəstəxananın oksigen balonu partlayıb. Partlayışdan sonra yanğın baş verib.

İlkin məlumata görə, hadisə nəticəsində ölənlər və yaralananlar var.

Əlavə məlumat veriləcək.