Region

“KXDR-də raket istəyirsiniz?”: Medvedev Cənubi Koreyanı hədələdi

19 Aprel 2023 20:53

"Daha bir ölkə özünü Rusiyanın düşməni kimi təqdim edir - Cənubi Koreya Ukraynaya silahla kömək etməyə hazır olduğunu bildirib".

Publika.az xəbər verir ki, bu sözləri Rusiya Federasiyası Təhlükəsizlik Şurasının sədr müavini Dmitri Medvedev bildirib.

Medvedev buna cavab olaraq Rusiyanın ən yeni silahlarını KXDR-ə yerləşdirməklə hədələyib.

“Cənubi Koreya prezidenti Yun Sok Yeol deyib ki, prinsipcə, bu dövlət Kiyev rejimini silahla təchiz etməyə hazırdır. Üstəlik, yaxın vaxtlara qədər cənubi koreyalılar həvəslə əmin edirdilər ki, Kiyevə öldürücü silahların verilməsi ehtimalı tamamilə istisna edilir”, - Medvedev Teleqramda yazıb.

Siyasətçi bildirib ki, Rusiya hakimiyyətin bu qərarı necə qiymətləndirdiyini Cənubi Koreya sakinləri görəcəklər.

"Rusiya öz sərhədləri yaxınlığında ən son silahları KXDR ərazisində yerləşdirəndə, onlar biləcək".

Ayşən