Trampa qarşı sui-qəsd cəhdlərində İranın əli var? - Rəsmi Tehran nə deyir?

İranın xarici işlər naziri Abbas Əraqçi ABŞ-ın Tehranın Ağ Evin yeni lideri Donald Trampın həyatına sui-qəsd cəhdlərində əli olması ilə bağlı ittihamlarını rədd edib.

Publika.az xəbər verir ki, bu barədə "Reutres" məlumat yayıb.

Əraqçi həmçinin iki dövlət arasında etimadı gücləndirməyə çağırıb.

Bundan əvvəl İran Xarici İşlər Nazirliyinin sözçüsü İsmayıl Bəqayi Tehranın Trampa sui-qəsd cəhdlərində əli olması ilə bağlı bəyanatı əsassız adlandırıb.

Noyabrın 8-də ABŞ Ədliyyə Nazirliyinin mətbuat xidməti İran İslam İnqilabı Keşikçiləri Korpusunun (SEPAH) Donald Trampa qarşı sui-qəsd cəhdinin hazırlanmasında iştirak etdiyini açıqlayıb.

Xəbərdə deyilir ki, idarə İran hakimiyyətinin bəyənmədiyi insanları aradan qaldırmaq məqsədi ilə şəriklər şəbəkəsinə rəhbərlik etməkdə əli olduğunu hesab etdikləri İran vətəndaşı Fərhad Şakeriyə qarşı ittiham irəli sürüb.

Saxlanılan Şəkəri etiraf edib ki, 2024-cü il oktyabrın 7-də ona ABŞ-ın seçilmiş prezidentinə sui-qəsd planı hazırlamaq tapşırılıb.

Hüseyn İbadlı