İmamoğlu ilə birlikdə saxlanılan Ercan Saatçi və daha 8 nəfər azadlığa buraxıldı

İstanbul Böyükşəhər Bələdiyyəsinə qarşı aparılan korrupsiya və terror əməliyyatı çərçivəsində saxlanılan məşhur müğənni və prodüser Ercan Saatçi azadlığa çıxıb.

Publika.az Türkiyə mediasına istinadən xəbər verir ki, onunla yanaşı, Ahmet Palazoğlu, Alihan Aydın, Alperen Aydın, Bayram Taşkın, Canan Münüklü, Cemal Ufuk Karakaya, Birsen Şahin və Vahit Doğan "xaricə çıxış qadağası" və "imza ilə adli nəzarət tədbiri" tətbiq edilərək sərbəst buraxılıb.

Ercan Saatçi İstanbul bələdiyyəsinin təşkil etdiyi konsertlərdə iştirakına görə saxlanılmışdı. İstanbul Baş Prokurorluğu həmin konsertlərdə korrupsiyaya yol verildiyini ehtimal edir.

Xatırladaq ki, İstanbul Böyükşəhər Bələdiyyəsinin sədri Əkrəm İmamoğlu və digər şübhəli şəxslər “cinayətkar təşkilata rəhbərlik”, “cinayətkar təşkilata üzvlük”, “korrupsiya”, “rüşvət alma”, “fırıldaqçılıq”, “qanunsuz olaraq şəxsi məlumatların əldə edilməsi”, “tenderi saxtalaşdırma” cinayətlərində və “PKK/KCK terror təşkilatına yardım” etməkdə şübhəli bilinirlər.