Fəxriyyə Xələfovadan VACİB TÖVSİYƏ - Virusun lipid qatını əridən...

Hər zaman dəb və gözəllik fəlsəfəsinin sirlərini xanımlara açan rəssam-modelyer, parfümer, Əməkdar incəsənət xadimi Fəxriyyə Xələfova koronavirusla bağlı maraqlı məqamı izləyicilərinin diqqətinə çatdırıb.

Publika.az xəbər verir ki, tanınmış modelyer koronavirusla mübarizənin effektiv üsullarından birini sosial şəbəkədə paylaşıb.

“Dostlar, bu məlumatları sizinlə paylaşmaq istədim. Virusun lipid qatını əridən turş yeməklərdir: limon, avokado, sarımsaq, ananas, kivi, portağal. İmmuniteti virusa qarşı möhkəmlətmək üçün tövsiyə etdiyim qidalar isə bunlardır. Yaşıl çay - flavonoidlərlə zəngindir. Və Epigallocoachin gallete BUNA (AGCG) deyirlər, çox qüvvətli antioksidantdır. Brokkoli - kələm ailəsindəndir. Tərkibində çoxlu vitamin və mineral var. Gərək brokkolini ya çiy, ya da bir az isti suda pörtlədib yeyəsiniz. Sərbəst radikalları zərərsizləşdirir. İspanaq - kalsium, maqnezium, dəmir, A vitamini, beta karotinlə zəngindir. İltihab əleyhinədir, immun sistemini gücləndirir, təzyiqi sala bilir. Salatlarda çiy halda yeyilməlidir. Küküdə isə çox az odda, xəfif bişirilməlidir. Qırmızı bolqar bibər - ən xeyirli bibərdir. Tərkibində portağaldan 2 dəfə çox C vitamini var. Həmçinin ağciyərlər üçün faydalı beta karotin var. Alma - fərqi yoxdur yaşıl, qırmızı. Onda olan pektin mədə-bağırsaqda probiotik təsir göstərir. Hər kəs axşam bir ədəd alma yesə, mədə-bağırsağa çox kömək edər. Evdə qalın və sağlam olun”.