Məşhur həkim açıqladı - Tər qoxusuna əsasən xərçəng və diabeti necə təyin etməli?

Dermatoloq İrina Skoroqudaeva xərçəng, şəkərli diabet və böyrək çatışmazlığı kimi təhlükəli xəstəliklərin qoxu ilə necə təyin olunduğundan danışıb.

Publika.az xəbər verir ki, o, “Rusiya-1” telekanalının efirində qeyri-adi tər qoxusunun bədəndəki dağıdıcı proseslərinin əlaməti olduğunu qeyd edib.

Ekspertin sözlərinə görə, onkoloji xəstələrin bədənində köhnəlmiş ət qoxusu yaranır. Bundan əlavə, temperatur yüksəlir və termorequlyasiya üçün çox tərləmə başlayır. Mütəxəssis bunun səbəbini bədənin bədxassəli xəstəlik meydana gəlməsi ilə mübarizə aparan nekroz şiş amili ifraz olunması ilə izah edib.

Skoroqudayeva qeyd edib ki, diabet xəstəsi olan insanlar şirin alma və aseton kimi qoxulara malikdir. Bədəndə insulin çatışmazlığı olduqda, qlükoza hüceyrələrə daxil olmur, odur ki, yağlardan enerji çıxarmaq prosesi başlayır. Nəticədə asetona çevrilən keton cisimləri əmələ gəlir.

Həkim əlavə edib ki, qaraciyər və böyrək çatışmazlığında xəstənin təri ammonyak qoxusunu qazanır.

Aytən Məftun