Vaksinasiyadan sonra antikor yaranmırsa, nə etməli?

Koronavirus infeksiyasına qarşı peyvənd vurdurduqdan sonra insanlar virus əleyhinə antikor səviyyələrini öyrənmək üçün demək olar ki, dərhal klinikalara və tibbi laboratoriyalara müraciət edirlər. Çox vaxt nəticə gözlədikləri kimi olmur və bəzən qandakı antikorlar aşkar olunmur.

Publika.az xəbər verir ki, bu sözləri immunoloq, tibb elmləri namizədi Nikolay Kryuçkov “kp.ru”ya müsahibəsində deyib.

“Antikor olmamasına baxmayaraq, müvafiq şəxsdə koronavirusa qarşı T-hüceyrə immuniteti ola bilər. İmmun sisteminin bu əlaqəsinin COVID-19-dan nə dərəcədə və nə qədər müddətə qorunmanı təmin edəcəyi məlum deyil”, - həkim bildirib.

İmmunoloqun sözlərinə görə, klinik tədqiqatlar vaksin olunmuş insanların böyük əksəriyyətinin koronavirusdan etibarlı şəkildə qorunduğunu göstərib. Lakin insandakı antikor səviyyəsi sıfıra yaxındırsa və daha ciddi qorunma istəyirsə, yenidən peyvənd barədə həkimlə danışmaq daha məntiqlidir. Eyni zamanda, həkim adenoviral peyvəndə ehtiyac olmadığını vurğulayıb.

Aytən Məftun